... Сонымен бірге құқықтық статистика материалдарын заңдылықтарды жетілдіру ісінде де пайдалануға болатындығын атап өту керек. Нақты бір заң бұзушылықтың орын алғандығын, қолданыстағы заңнамалардың іс жүзіндегі қолдануын көрсететін бірқатар көрсеткішсіз қылмыстың, азаматтық және әкімшілік құқық пен іс жүргізу, сондай-ақ сот ісін жүргізу саласындағы заңдардың жобасын жасау мүмкін емес. Белгілі бір заңдарды қолдану тәжірибесінің деректерін бейнелей, белгілі бір құқық пен заң бұзушылықтардың қозғалысын сипаттай отырып, құқықтық статистика дәл сол кезеңдегі нақты бір заңның орынды немесе орынсыз екендігін, оның тиімді әсерін айғақтап, дәлелдеп береді. Осыдан келіп, белгілі бір заң бұзушылықтармен күрестің жаңа құқықтық нысандарын іздестіру қажеттігі туындайды. ...
