Жоспар
1 Ел әскерімен айбынды.. 3
2 Тасымал әлеуеті – темір жолда. 5
3 Туризм – табыс көзі 6
4 Уақытпен үндескен істер. 8
5 Бәсекеге қабілетті жас ұрпақ тәрбиелеу бағытында облыста жүйелі жұмыстар жүзеге асуда. 10
3 Туризм – табыс көзі
... Тек шет мемлекеттерде ғана емес, өз еліміз төңірегінде де өткізіліп жатқан халықаралық деңгейдегі көрме-жәрмеңкелердің мән-маңызы жыл санап арта түсуде. Мәселен, жыл сайын Алматы төрінде KІTF атты халықаралық туристік жәрмеңкесі, Шығыс Қазақстан облысында “Белуха” халықаралық туристік фестивалі өткізіліп тұрады. 2005 жылы KІTF халықаралық жәрмеңкесіне 23 мемлекеттен 200-ге жуық компания қатысса, 2006 жылы оған қатысушы мемлекеттердің саны 43-ке жеткен. Елорданың имидждік бет-бейнесін қалыптастыруда өзіндік орны бар “Астана–Демалыс” халықаралық туристік жәрмеңкесі де ерекше атап өтуге тұрарлық. Яғни, экономиканы ілгерілетуші тетік ретінде айрықша басымдық берілген саланы дамытуға барлық жағдай жасалып келеді.
2005 жылы елдегі туристік индустрияның мүмкіндігін айқындау үшін еліміз өңірлеріне арнайы маркетингтік зерттеулер жүргізіледі. Оған Үкіметтің қаулысымен бюджет қоржынынан 65 млн. теңге көлемінде қаржы бөлінген болатын. Қазіргі таңда сол зерттеулер басшылыққа алынып, Ақмола, Шығыс Қазақстан, Маңғыстау және Оңтүстік Қазақстан облыстарында туристік кластерді дамыту қолға алынуда.
Шетелдік капиталдың ағынын толастатпас үшін, таяу болашақта барлық озық талаптарға жауап беретін ірі халықаралық туристік орталықтарды құру жобасын іске асыру да көзделіп отыр. Ол орталықтар Алматы облысындағы Қапшағай су қоймасының жағалауынан, Ақмола облысындағы Щучье–Бурабай курорттық аймағынан, сондай-ақ, Маңғыстау облысының “Кендірлі” демалыс орнының жанынан орын тебетін болады. Мұндай игілікті істі жүзеге асыруға 35 млрд. АҚШ долларын тарту көзделіп отыр.
Туризм саласын көлік инфрақұрылымынсыз елестету мүмкін емес. Яғни, көлік инфрақұрылымының дамуы, өз кезегінде ішкі және сыртқы туризм өрісінің кеңеюіне жол ашып береді. Біздің елге туристер көбіне әуе жолымен қатынайтыны белгілі. Сол себепті, әуе көлік дәлізін жандандыруға мән берілуі тиіс. Егер, Ұлттық Қауіпсіздік комитетінің шекаралық қызметінің және Дүниежүзілік туристік ұйымының статистикалық қызмет саласы департаментінің мәліметтеріне сүйенсек, сыртқы туризмнің соңғы жылдардағы тұрақты өсіміне анық көз жеткіземіз. Мәселен, 2000 жылы сыртқы туризм арқылы бюджетке түскен түсім 1,5 млн. долларды құраса, 2006 жылы ол көрсеткіш 4,7 млн. долларға жеткен. Сол секілді ішкі туризм саласы да жыл санап жанданып келеді. Егер, ішкі туризмнен бюджетке 2000 жылы 941 мың. теңге құйылса, өткен жылы бюджет 3,4 млн. теңгеге толыққан. Ал 2006 жылы мемлекет қоржынына туризм саласы арқылы келген кірістің жалпы мөлшеріне келсек, ол 44 млрд. 718 млн.100 мың теңгені құраған.
Мұндай көрсеткіштер туристік инфрақұрылымның болашағына сеніммен қарауға мүмкіндік береді. Ал бұл еліміздің әлемдік туристік қоғамдастыққа интеграциялануына жол ашады дегенді білдірсе керек. ...
5 Бәсекеге қабілетті жас ұрпақ тәрбиелеу бағытында облыста жүйелі жұмыстар жүзеге асуда
... Бір айта кететін жәйт, жан-жақты дарынды, білімді шәкірт тәрбиелеуде облыстық “Дарын” ауысымды мектебінің арқасында облыстағы оқушылар командасы республикалық ғылыми жарыстарда үшінші жыл қатарынан “Оқушылардың ғылыми жарыстарының үздік командасы” атағын және төртінші жыл “Үздік олимпиадалық команда” атағын қолдан шығармай келеді. Сондай-ақ үстіміздегі жылы ғана облыс оқушылары “Интеллектуалды марафон” (Ресей) халықаралық олимпиадасында 2 алтын, 2 күміс және 3 қола медальді жеңіп алса, биыл Ресейде өткен “Компьютерлік физика-2007“ байқауына “Жетісу-1”, “Жетісу-2” атты қос команда қатысып, нәтижесінде “Виртуальды физикалық лаборатория“ байқауында “Жетісу -1” командасы бірінші орын тұғырына көтеріліп, “Алтын медаль“ иегері атанды. Ал “Жетісу-2” командасы “Интеллектуалдық лаборатория” байқауында ІІ дәрежелі дипломға ие болғаны облыстағы зейінді оқушылардың бәсекеге қабілеттіліктерінің айғағы. Жекелей есепте облыс намысын қорғаған 10 оқушы 5 алтын, 2 күміс, 3 қола медальмен марапатталса, “Ғылым әлемін ашамыз” атты халықаралық ғылыми конференцияда оқушылар тағы да бас жүлдені иеленген болатын. Грецияда өткен “Балалар. Интеллект. Мәдениет” атты халықаралық ғылыми олимпиадаға қатысқан 12 оқушы да жеңіс тұғырына көтеріліп, 4 алтын, 3 күміс, 5 қола медальға қол жеткізіп, облыс, республика абыройын асырғаны да мақтауға лайық.
Ұлыбританияда өткен халықаралық ағылшын тілі олимпиадасында облыс оқушылары 6 алтын және 5 күміс медальді жеңіп алды. Күні кеше ғана Хорватияда өткен дүниежүзінің 80 мемлекетінің оқушылары қатысқан информатика пәні олимпиадасында Қазақстан командасы тұңғыш рет 3 орынға ие болса, Талдықорған қаласындағы №24 мектеп-лицейінің 10 сынып оқушысы Байжікенов Бақытжан алтын медальді иеленіп, мерейі үстем болды.
“Ұстазы жақсының – ұстамы жақсы” демекші, қазіргі кезде қоғамда болып жатқан тарихи-әлеуметтік өзгерістер, ғылыми және өндірістік жаңалықтар бүгінгі бала тәрбиесіне жаңаша көзқараспен қарауды талап етуде. Осы орайда өскелең ұрпақты ұлттық игіліктер мен мәдени мұралар сабақтастығын қалыптастыруға тәрбиелеу, жалпы білім беретін оқу орындарының басты міндеті болып отырғаны қуантады. Халқымыздың рухани қайта түлеу кезеңінде жеткіншек өрендер санасына ана тілі арқылы төл тарихы мен мәдениетін, әдет-ғұрпы мен салт-дәстүрін сіңіру, сол арқылы олардың дүниетанымын қалыптастыру — бүгінгі күннің өзекті мәселесі. Елбасының биылғы Жолдауындағы негізгі міндеттерді басшылыққа ала отырып, бәсекеге барынша қабілетті елу елдің қатарына ену жолында тәуелсіз еліміздің ұл-қыздарының өжет те қайратты, білімді де парасатты болып ержетуі үшін облыстағы ұстаздар қауымы ынта-ықыласпен еңбек етуде деуге болады. ...
